SAUK TV: Orkney Snork nie – seisoen 1 episode 6- Stink pap en stywe lyne
Kyk hier: SAUK TV
Oupa word gedagvaar en Hendrik berei voor vir die jaarlikse hengelkompetisie. Weens beweerde ongerymdhede moet Hendrik voor die tugkomitee verskyn, en Oupa maak so neffens die hof ‘n jakkalsdraai. Om alles te kroon is Maggie se nuwe mikrogolfoond in die gedrang – die eerste prys van die hengelkompetisie.
SAUK TV: Orkney Snork nie – seisoen 1 episode 8 – Flamenco en koffietafel
Kyk hier: SAUK TV
Die Van Tonder-huishouding word ontwrig as die meubels teruggeneem word. Hess skaam haar dood, Wimpie en Oupa het deels skuld daaraan. Maggie blameer vir Hendrik en hy moet die gedoente opklaar. Yollie en ouboet vererger dinge nog verder deur oop oë in ‘n swendelaar vas te loop.
SAUK TV: Orkney Snork nie – seisoen 1 episode 3 – die mynbestuurder se bal
Kyk hier: SAUK TV
Maggie is moeg om alewig by die huis te sit en sy gryp die geleentheid om na die mynbestuuder se bal te gaan met albei hande aan. Tant Anna se rokmakery lei tot een ontnugtering na die ander en sy is verlig om weer tuis te wees.
SAUK TV: Orkney Snork nie – seisoen 1 episode 5 – Rusty sit en roes
Kyk hier: SAUK TV
Yolanda kry ‘n vreemde oorbel in ouboet se kar en haar twee-en-twee is ongetwyfeld vyf. ‘n Onverwagte besoek van Rusty krap dinge nog verder om in die Van Tonder-huishouding. Nadat Hendrik ‘n paar misverstande uit die weg ruim, is almal weer gelukkig.
SAUK TV: Orkney Snork nie – seisoen 1, episode 4 – Man tot man
Kyk hier: SAUK TV
Maggie vrees dat sy dalk weer kan verwag en daar is gerugte van ‘n skoolmeisie wat oor die tou getrap het. Maggie besluit dat dit tyd geword het dat Hendrik die feite van die lewe met Wimpie moet bespreek. Die gevolg, ‘n man-tot-man-gesprek.
SAUK TV: Orkey Snork nie – seisoen 1 episode 1 – Loodsepisode
Kyk hier: SAUK TV
Loodsepisode Maggie is ontsteld omdat Hendrik perde gespeel het. Spike het ‘n ongeluk met sy motor en Hendrik se gereedskap wat hy geleen het, was agter in die motor. Wimpie en Hess probeer geld kry om op veldskool te gaan, en oupa gaan Sun City toe. Ouboet en Yollie wag nog vir die koms van hulle eersteling.
Episode 1: Bossie Botha se longe. Hendrik besluit om op te hou rook nadat hy Bossie Botha, wat 60 sigarette per dag gerook het, se longe gesien het. Wimpie en Koert besluit om te probeer rook en Hendrik betrap hulle op heterdaad.